النهاردة رحت أعمل فيش, لقيت ناس برة , و ناس قاعدة جوة , و ناس يا دوبك تدخل و تمشي .
فهمت الفولة , معاك حتة بخمسة هتبقس من بتوع السريييييع
.
تعرف حد جوة هتعد جوة
لا ده و لا ده
الموظف المسئول هيتولي اللازم . روحوا اقفولي هناك في الطابور , مين جه الأول ,
و كالعادة يبتدي الزعيق , أنا الأول , لا انا لأ........طيب , لما تتفقوا نادوني
و يمشي و يروح يستقبل المستعجل , أبو خمسة
قلت يا واد يا عصام يالا خد موقف .. يا جماعة تعالو نترتب خمسات
و فعلا واحد أخد البطايق بتوع أول خمسة و بعدين أنا خدت الي وراهم
دخلوا المجموعة الأولانية , ولو اتحسبت , كل واحد ياخد دقيقة تبصيم و دقيقة تسجيل و يعني 10 دقايق و أدخل
بس باين ان الحساب بتاعي كان ناقصه فاكتور مهم أوي " الأنتربت" المهم قعدنا 45 دقيقة مستنيين
و انا أقول لنفسي يا ود طنش خالص و أعمل نفسي قال يعني مش شايف
فرقعت من الغيظ و دخلت لكبير المكان .. حضرتك احنا رتبنا نفسنا في طابور خمسات و بقالنا 45 دقيقة مستنيين أول خمسة
حاضر حاضر هو جايلكو دلوقتي ...انا واخد أذن من الشغل و لازم أرجع
قلتلك هيجيلك أتفضل.. 10دقايق و جالنا الأستاذ الس مش محترم .. هاه مين قالك تلم البطايق
انا قلت نسعدك و عصرت لامونة عليا .. طيب اعملولي ظابور .. قلت يا واد طنش خالص..وقفنا
خد كل البطايق, و دخلنا جوا و راح لاطعنا 10 دقايق طلعت أبص غليه ملقتوش لقيت الكبير بره .. حضرتك هو أخد البطايق و راح فين؟
هو أنت مستعجل كده ليه جي . هو جي
طبعا ده عقابي . و أنا داخل دخل معايا شاب حليوة جري عليه مسئول الخمسات اول ما حط رجله .. انت عايز ايه يا أستاذ ؟
و أنا مبحلقله .. راح مقعده في أخر الطابور قلت و الله يا عصلم انت ظبطه . مفيش دقيقة و لقيته و اخده من ايده و هيدخله قبلي
لأأأأأأأأأأأأأأأأأأأأ ده دوري محدش هيخش قبلييييييييييييي
و فعلا دخلت راح الأستاذ الغير محترم قالي أدخل و خد الفيش الفاضي مني و ملاه وقالي روح سجله
استغربت لاني عارف ان التسجيل بعد البصم.. المهم سجلت و رجعت لقيت ايهههه؟؟؟؟
لقيت 2 في الاوضة مكنوش و رايا في الطابور بيبصموا .. بصراحة سكت لأني فهكت اني أخرتها كلمتين مني علي كلمتين منه
و ال زي دول الكلام معاهم مبيفرقش ده بيرتشي عاني و في رمضان ..
وقفت و اسنيتهم و لقيته بعد ما بصمهم راح واخد اللوح القزاز الي بصموا عليه و راح قايلي روح ابصم هناك
فهمت ان دي خدمة لبتوع الحتة الي بخمسة .. بصمت ........ و مشيت
